Bial Hnih Joint Fellowship

Aizawl | April 14, 2019: ṬKP Republic Pastor Bial leh ṬKP Republic Vengthlang Pastor bial te chuan vawiin chawhnu khan BCM City Church -ah Joint Fellowship in hun an hmang.

Pic: TBC Tea

He hun hi Pu Jonathan Lalvenhima, ECM (Republic Vengthlang Bial) leh Nula Mary Lalrinsangi, ECM (Republic Bial) ten an kaihruai a. Tv. Lalhmingthanga, ECM (Republic Bial) bible chhiarin a ṭawngṭai a.

Republic Bial & Republic Vengthlang Bial secretary ve vein bial report felfai tak an pe a.

Bial pahnih hruaitute; Pic - TBC Tea

Nula H Lalhmangaihsangi, Bethel Unit (Republic Bial),  Pu C Lalhriathlua, ITI Veng Unit (Republic Vengthlang Bial) leh TKP, Central Church Unit (Republic Bial) ten te an zai a.
TKP, Republic Vengthlang Unit (Republic Vengthlang Bial) ten worship dance hmuhnawm tak an entir bawk a. President, TKP, Republic Bial leh President, TKP, Republic Vengthlang Bial ten thutawi an sawi a. TKP, Salem Veng Unit (Republic Vengthlang Bial) ten zaipawl an hlan a,  TKP, Falkawn Unit (Republic Bial) aṭangin group zai ngaihthlak a ni bawk.

TKP, Bethlehem Vengthlang Unit (Republic Vengthlang Bial) aṭangin Accapella a ngaihnawm hle a, TKP, City Church Unit (Republic Bial) ten skit hmuhnawm tak an entir bawk.

Fellowship hi Upa F. Zohmingliana, Senior Adviser, TKP Republic Pastor bial chuan ṭawngṭaiin a ṭin a ni.

He hunah hian member ṭhahnem tak an tel a, Pathian thu leh hlaa inpawlin, Skit, Zai leh lam tein memberte'n inpawlhona an nei.

ṬKP Republic Pastor bialah hian Unit li; Central Churh, City Church, Falkawn leh Bethel te a awm a, membee 727 vel an awm bawk. ṬKP Republic Vengthlang Pastor bialah hian Unit nga; Republic vengthlang, Venghlui, Bethlehem Vengthlang, ITI Veng leh Salem te awmin Member 590 chuang an awm bawk.

Member ten hlawkthlak an ti a, Unit hrang hrang member te inhmelhriatna atan ṭha an ti hle.
ṬKP Republic Vengthlang Pastor bial hi 2015 khan ṬKP Republic Pastor Bial aṭangin a indang a ni.